Turkish Airlines rikthehet zyrtarisht në Tiranë

Turkish Airlines ka njoftuar rikthimin e saj në tregun shqiptar, duke rifilluar fluturimet direkte mes Istanbul Airport (IST) dhe Aeroportit Ndërkombëtar të Tiranës (TIA), pas një mungese disa-vjeçare.

Fluturimet do të nisin nga 23 janari 2026, duke rikthyer një nga lidhjet më të rëndësishme ajrore për Shqipërinë dhe duke e lidhur Tiranën drejtpërdrejt me një nga hub-et më të mëdha ajrore në botë.

Rikthim pas disa vitesh mungesë

Turkish Airlines kishte munguar në tregun shqiptar që prej vitit 2019, ndërsa linja TIA–IST ishte operuar në këto vite nga Air Albania. Pas pezullimit të licencës së Air Albania dhe largimit të Turkish Airlines nga partneriteti, kompania turke ka vendosur të rikthehet sërish me operime direkte në Tiranë.

Detajet e fluturimeve

• Rruga: Istanbul (IST) – Tirana (TIA)
• Fillimi i operimeve: 23 janar 2026
• Frekenca: Fluturime ditore
• Avioni: Boeing 737-800
• Aeroporti i nisjes: Istanbul Airport (IST)

Një lidhje e rëndësishme për udhëtarët shqiptarë

Rikthimi i Turkish Airlines forcon ndjeshëm lidhjen e Shqipërisë me rrjetin global të kompanisë turke, duke ofruar qasje të shpejtë drejt qindra destinacioneve në Evropë, Azi, Afrikë dhe Amerikë, me vetëm një ndalesë në Stamboll.

Më shumë konkurrencë në treg

Ky zhvillim pritet të rrisë konkurrencën në tregun e fluturimeve drejt Turqisë, duke sjellë më shumë alternativa për pasagjerët dhe potencialisht edhe çmime më konkurruese.

Një tjetër hap për zhvillimin e aviacionit shqiptar

Rikthimi i Turkish Airlines në Tiranë konsiderohet si një zhvillim shumë pozitiv për tregun ajror shqiptar dhe për pozicionimin e Tiranës si një nyje gjithnjë e më e rëndësishme në Ballkanin Perëndimor.