🇬🇷✈️ Aegean Airlines zgjeron fluturimet me Shqipërinë – Heraklioni bëhet destinacion gjithëvjetor

Aegean Airlines ka konfirmuar zgjerimin e rrjetit të saj në Shqipëri duke kthyer linjën Tiranë – Heraklion në një fluturim gjatë gjithë vitit, duke e larguar nga lista e destinacioneve thjesht sezonale.

Ky vendim vjen si përgjigje ndaj rritjes së kërkesës për destinacione greke dhe vetëm pak ditë pas njoftimit nga Sky Express, që gjithashtu do të operojë linjën Tiranë–Heraklion në mënyrë të përhershme. Me këtë, Heraklioni, kryeqyteti i Kretës, bëhet një nga lidhjet më të aksesueshme për pasagjerët shqiptarë që udhëtojnë drejt Greqisë jugore.

🗓️ Detajet e fluturimeve Aegean Airlines:

• Destinacioni: Tiranë – Heraklion – Tiranë
• Frekuenca: 2 herë në javë
• Ditët: E martë dhe e premte
• Orari i nisjes: Rreth 11:45 ose 20:35 (në varësi të datës)
• Koha e fluturimit: Rreth 1 orë e 25 minuta
• Linjë direkte (pa ndalesa)
• Avionët: Airbus A320/A320neo
• Statusi i linjës: Gjithëvjetore

✈️ Linjat e tjera të Aegean Airlines nga Tirana:

• Tiranë – Athinë: gjithëvjetore, me lidhje të shpejta drejt qyteteve të tjera europiane
• Tiranë – Rhodos: sezonale, vetëm gjatë verës

Zgjerimi i fluturimeve drejt Kretës konfirmon ambicien e Aegean për të forcuar pozicionin e saj në tregun shqiptar dhe për të ofruar më shumë zgjedhje për udhëtarët që kërkojnë destinacione bregdetare, historike dhe të mirëlidhura me pjesën tjetër të Greqisë.

📌 Qëndro me AeroAlb për lajmet më të fundit nga aviacioni shqiptar dhe rajonal.